जलजला १ मल्गाउँका युवा सामाजिक सचेतना जगाउंदै

पर्बत चैत ३० – जलजला १ मल्गाउँका युवाहरु सामाजिक सचेतना तथा सरसफाई कार्यमा जुटेका छन्  ।  जलजला गाउपालिका वडा न १ बास्खर्क माल्गाउँका  स्थानिय युवाहरुकाे अगुवाइमा  खेल मैदान र सामुदायिक भवन वरिपरी  सरसफाइ गरिएको हो  ।

युवाहरुले  सार्वजनिक स्थलमा धुम्रपान ,मध्यपान तथा सुर्तिजन्य पदार्थहरुकाे सेवन गर्न नपाइने नियम नै बनाएका छन् ।  खेल मैदान, मन्दिर सार्वजनिक चौतारी, विद्यालय, सामुदायिक भवन, सार्वजनिक महत्वका क्षेत्र हुन् र यिनीहरुको संरक्षण हामीले गर्न पर्छ भन्ने उद्देश्यले यो कार्यको थालनी गरिएको स्थानीय युवा युबराज अर्मजाले बताए ।

हामी युवा समजाका अगुवा हौँ, हामीले गर्ने राम्रो कामले नयाँ पुस्तालाई राम्रो सिकाइ हुने उनको भनाइ छ  ।  उनले भने  “हामी जस्तै अन्य ठाउँका युवाले पनि यस्तै कार्यको थालनी गरेमा समाजमा सचेतना जगाउन  ठुलो सहयोग पुग्नेछ” ।

माल्गाउँ जलजला गाउँपालिकाको वडा न १ बास्खर्कको  माथिल्लो लेकाली भेग हो  ।  प्राकृतिक सुन्दरताले भरिएको यो  गाउँ बाट फलामे डाडा हुँदै  हम्पाल, मोहरे नागी लगायतका क्षेत्रमा पुग्न सजिलो पदमार्ग रहेको छ  ।