म्याग्दी, असार ८ गते – म्याग्दीको बेनीमा गैह्र सरकारी संस्थाका प्रतिनिधिहरुका लागी विकास निर्माण सेवा प्रवाह सुशासन नागरिक निगरानी विषयक प्रदेश स्तरीय दुई दिने तालिम कार्यक्रम सफलतापूर्वक सम्पन्न भएको छ। असार ६ र ७ गते संचालित उक्त तालिममा म्याग्दी, बागलुङ, पर्वत र मुस्ताङका गैरसरकारी संस्थाका प्रतिनिधिहरूको सहभागिता रहेको थियो।
तालिमको उद्घाटन सत्रमा गैरसरकारी महासंघ नेपाल गण्डकी प्रदेशका अध्यक्ष गोपाल धोवज खड्काले मुख्य सम्बोधन गर्नुभयो। उहाँले गैरसरकारी संस्थाहरूको भूमिका र दायित्वबारे प्रकाश पारेर भन्नुभयो, “गैरसरकारी संस्थाहरूले कार्यक्रम संचालन गर्दा सुशासन, नागरिक निगरानी र भ्रष्टाचार निवारणमा विशेष ध्यान दिनुपर्छ।”
कार्यक्रमको मुख्य प्राविधिक सत्रमा गण्डकी प्रदेश प्रशिक्षण प्रतिष्ठानका कार्यकारी निर्देशक सुरेन्द्र बाबु तिवारीले सेवा प्रवाहको विषयमा विस्तृत प्रस्तुति दिनुभयो। उहाँले सेवा प्रवाहको क्रममा प्रभावकारी भूमिका, सेवा प्रवाहका चरणहरू र सेवा प्रवाहका सुधारका उपायहरूका बारेमा व्यापक जानकारी प्रदान गर्नुभयो।
बुद्धि बहादुर थापाले प्रशिक्षण सत्र सञ्चालन गर्दै गैरसरकारी संस्थाहरूले आफ्ना कार्यक्रमहरू सञ्चालन गर्दा सुशासन, नागरिक निगरानी र भ्रष्टाचार निवारणका विषयमा विशेष सचेतना अपनाउनुपर्ने कुरामा जोड दिनुभयो।
तालिम समापन कार्यक्रमका प्जिरमुख अतिथि जिल्ला समन्वय समिति म्याग्दीका कार्यबाहक प्रमुख दिल कुमारी खत्रीले तालिमले सम्पूर्ण गैह्रसरकारी कर्मीमा थप उर्जा प्रदान भएको अपेक्षा ब्यक्त गर्नुभयो ।
तालिमको समापन सत्रमा म्याग्दीका प्रमुख जिल्ला अधिकारी गुरुदत्त ढकाल र गैरसरकारी संस्था महासंघ म्याग्दीका निवर्तमान अध्यक्ष हरि पौडेलले सम्बोधन गर्नुभयो। उहाँहरूले यस्तो तालिमको महत्व र आवश्यकताबारे प्रकाश पार्नुभयो।
तालिम समापनको अवसरमा सहभागीहरूले आफ्ना विचार व्यक्त गरे। मुस्ताङकी अस्मिता थकाली, पर्वतका कृष्ण प्रसाद शर्मा, बागलुङका मुक्तिराम सापकोटा र मिलन म्याग्दीका अध्यक्ष दिलमाया विटालुले तालिमको उपयोगिताका बारेमा सकारात्मक मन्तव्य व्यक्त गरे।
कार्यक्रम गैह्रसरकारी संस्था महासंघ म्याग्दीका उपाध्यक्ष निरमाया मिजारको अध्यक्षता, स्वागत उपसचिव खुम बहादुर किसान संचालन सचिव कमला थापा बानियाले गर्नुभएको थियो ।
सहभागीहरूले यस्ता तालिमले गैह्र सरकारी संस्थाहरुको क्षमता विकासमा महत्वपूर्ण योगदान पुर्याउने छ र सेवा प्रवाहमा सुधार ल्याउन सहयोग पुग्ने बताएका छन।
दुई दिने यस तालिम कार्यक्रमले गैरसरकारी संस्थाका कार्यकर्ताहरूलाई सेवा प्रवाह, सुशासन र नागरिक निगरानीका विषयमा आवश्यक ज्ञान र सीप प्रदान गर्ने काम गरेको छ। यस्ता तालिम कार्यक्रमहरूले स्थानीय तहदेखि प्रदेश तहसम्म सेवा प्रवाहमा गुणस्तर सुधार ल्याउने अपेक्षा गरिएको छ।
