जलजला, भदौ-१५, पर्वतको जलजला ५ स्थित ग्राम प्रकाश माविमा मंच निर्माणको शिलान्यास गरिएको छ । मंगलबार एक कार्यक्रमका बीच लेखफाँट, सिरुबारिका सुबेदार भिम बहादुर जिसीले आफ्नी स्वर्गबासी धर्मपत्नी तुलसीदेवी जिसीको स्मृतिमा विद्यालयमा मंच निर्माणगर्न थाल्नु भएको हो ।
आफ्नै ठाउको विद्यालयमा केहि सेवा गर्नु पर्छ भन्ने उद्देश्यले उहाँले मंच निर्माण गर्न थालेको बताउनुभयो । मंच ८ मिटर लम्बाई र ६ मिटर चौडाइको हुने विद्यालयका प्रधानाध्यापक भवानी शंकर पौडेलले बताउनुभयो ।भारतीय सेनाबाट सेवा निबृत भएपछी सुबेदार जिसीले धार्मिक, शैक्षिक र सामाजिक कार्यमा लागिरहनु भएको छ ।
