म्याग्दी, असार- ३२, म्याग्दीको अन्नपुर्ण गाउँपालिका–४ गाडपारमा सुख्खा पहिरो खस्दा एक वृद्धा महिलाको ज्यान गएको छ। शनिबार बिहान करिब ११:३० बजे सिता फगामीको घरभन्दा करिब १०० मिटर माथिबाट अचानक ढुङ्गा र माटोसहितको सुख्खा पहिरो खसेको थियो।
घटनामा ७२ वर्षीया सिता फगामीको घटनास्थलमै मृत्यु भएको जिल्ला प्रहरी कार्यालय म्याग्दीका सुचना अधिकृतप्रहरी निरीक्षक सागर पौडेलले जानकारी दिनुभएको छ।घटना भएपछि इलाका प्रहरी कार्यालय दाना म्याग्दीबाट प्रहरी टोली तत्काल घटनास्थलतर्फ खटिएको थियो।
प्रहरीका अनुसार हाल घटनाको विस्तृत विवरण संकलन तथा आवश्यक अनुसन्धान भइरहेको छ। यसैबीच, प्रहरीले स्थानीयलाई पहिरो सम्भावित क्षेत्रमा सतर्कता अपनाउन आग्रह गरेको छ।
