देवी जि.सी ,बेनी, म्याग्दी -मंसिर २९, सी वाई सी साकोस बेनी शाखाको १५औं वार्षिक साधारण सभा बेनीमा सम्आपन्जन भएको छ । कार्यक्रमको प्रमुख अतिथि सीता देवि साप्कोटा कंडेलले उद्घाटन गर्दै सहकारीहरू नाफामुखीभन्दा पनि सेवामुखी हुनुपर्नेमा जोड दिनुभयो । उहाँले केही अवसरवादी संचालकहरूले सहकारी क्षेत्रमा नकारात्मक प्रभाव पारेको भन्दै सरकारको मापदण्ड पालना नगर्ने सहकारीहरू क्रमशः हराउँदै जाने धारणा व्यक्त गर्नुभयो। उहाँले नीति नियमको पालना गर्ने सहकारीहरूसँग ढुक्कका साथ कारोबार गर्न आग्रह गर्नुभयो।
कार्यक्रममा गरिमा विकास बैंकका संचालक समिति सदस्य तथा सी वी सी सहकारीका परामर्शदाता दिपेन्द्र श्रेष्ठले शुभकामना मन्तव्य दिँदै सहकारी क्षेत्रमाथि फैलिएको गलत हल्लाको कारण राम्रा सहकारीलाई पनि असर परिरहेको तर सी वाई सी साकोसले चुनौतीहरूका बीच उल्लेखनीय प्रगति गर्न सफल भएको बताउनुभयो।
सिवाइसी साकाेस सञ्चालन तथा व्यवस्थापन उपसमिति सचिव माधब आचार्यले ० ८० /८१ को सेवा केन्द्रको प्रतिबेदन तथा ० ८१ /० ८२ को प्रस्ताबित निति तथा कार्यक्रमको प्रतिबेदन प्रस्तुत गर्नु भएको थियो, त्यसैगरी आर्थिक बर्ष ०८० /०८१ को आर्थिक प्रतिबेदन , ०८१ /०८२ को प्रस्तावित आय ब्यय विवरण सेवाकेन्द्रका संचालन तथा ब्यबस्थापन उपसमितिका कोषाध्यक्ष किशोर कुमार श्रेष्ठले प्रस्तुत गर्नु भएको थियो ।
साधारण सभाको अवसरमा ८० वर्ष नाघेका वरिष्ठ शेयर सदस्यहरू डेक बहादुर बुढा र झरी उपाध्यायलाई औषधि खर्च स्वरूप रु ५/५ हजार प्रदान गरिएको छ। त्यसैगरी, सहकारीले असल बाल बचतकर्ता युनिसा पुलामी मगर, असल ऋण उद्यम सीता घले, असल बचतकर्ता टेक बहादुर घर्ति छेत्री र शान्ति साह, ग्रीन कार्ड वितरण सुमित्रा गिरि, पवित्रा घिमिरे, र विश्व घर्तिमगरलाइ सम्मान र पुरस्कार वितरण गरिएको छ ।
भिम बहादुर श्रेष्ठको अध्यक्षतामा सम्पन्न कार्यक्रमको कार्यक्रमको सञ्चालन सचिव माधब प्रसाद आचार्य र स्वागत मन्तव्य संयोजक इन्दिरा शर्माले ब्यक्त गर्नुभएको थियो। यो कार्यक्रमले सहकारीको सेवामुखी दृष्टिकोणलाई प्रवर्द्धन गर्दै स्थानीय समुदायको विश्वास बलियो बनाउन योगदान पु¥याएको बताइएको छ
