बेनी, असार-५, राष्ट्रिय परीक्षा बोर्डले प्रकाशित गरेको कक्षा १२ को परीक्षामा म्याग्दीमा न्यू वेस्ट पोइन्ट आवासीय माध्यमिक विद्यालयले पुनः आफ्नो उत्कृष्टता प्रमाणित गरेको छ।
बोर्डले शुक्रबार सार्वजनिक गरेको कक्षा १२ को नतिजाअनुसार विद्यालयकी अप्सरा थापा ले ३.८६ जीपीए प्राप्त गर्दै म्याग्दी जिल्लामै प्रथम स्थान हासिल गरेकी छन्। त्यसैगरी विद्यालयकै रियासा जिसी ले ३.८० जीपीए, बसन्त विक र सोफिया सम्मान थापा ले ३.७८ जीपीए प्राप्त गर्दै जिल्लाका उत्कृष्ट विद्यार्थीहरूको सूचीमा स्थान बनाउन सफल भएका छन्।
विद्यालयका प्राचार्य डीबी दाहाल का अनुसार यस वर्ष ३.६५ भन्दा माथिको जीपीए प्राप्त गर्ने विद्यार्थीको संख्या ९ जना रहेको छ। हालसम्म सार्वजनिक भएका विवरणअनुसार जिल्ला प्रथम, द्वितीय तथा तृतीय स्थानसहितका उत्कृष्ट नतिजा न्यू वेस्ट पोइन्टकै विद्यार्थीहरूले हासिल गरेका छन्।
विद्यालयको समग्र नतिजा पनि अत्यन्त उत्साहजनक रहेको छ। नतिजाअनुसार ३.६० देखि ४.०० जीपीए प्राप्त गर्ने ९ जना, ३.२० देखि ३.६० जीपीए प्राप्त गर्ने २३ जना, २.८० देखि ३.२० जीपीए प्राप्त गर्ने ३४ जना, २.४० देखि २.८० जीपीए प्राप्त गर्ने ३३ जना तथा २.०० देखि २.४० जीपीए प्राप्त गर्ने १ जना विद्यार्थी गरी कुल १०० जना विद्यार्थी ग्रेडेड भएका छन्।
यो सफलता कुनै संयोग नभई विद्यालयले वर्षौंदेखि निर्माण गर्दै आएको शैक्षिक उत्कृष्टताको निरन्तरता हो। गत वर्ष पनि विद्यालयकी वर्षा थापा ले ३.९१ जीपीए प्राप्त गर्दै जिल्ला तथा गण्डकी प्रदेशमै उत्कृष्ट नतिजा हासिल गरेकी थिइन् भने ५ जना विद्यार्थीले ३.६१ भन्दा माथिको जीपीए प्राप्त गरेका थिए। यसरी विद्यालयले लगातार उत्कृष्ट नतिजा दिँदै जिल्ला टपर उत्पादन गर्ने परम्परा कायम राखेको छ।
न्यू वेस्ट पोइन्ट केवल परीक्षा नतिजामा सीमित विद्यालय होइन। यहाँ विद्यार्थीको सर्वाङ्गीण विकासलाई केन्द्रमा राखेर आधुनिक शिक्षण पद्धति, दक्ष शिक्षक टोली, नियमित मूल्याङ्कन, प्रविधिमैत्री सिकाइ वातावरण तथा अनुशासित शैक्षिक संस्कृतिको अभ्यास गरिँदै आएको छ।
विद्यालयमा नेपाली तथा अंग्रेजी दुवै माध्यमबाट अध्यापन हुँदै आएको छ। विशेषगरी व्यवस्थापन (Management) र कम्प्युटर साइन्स विषयमा विद्यालयले आफूलाई जिल्लाकै अग्रणी संस्थाका रूपमा स्थापित गर्दै लगेको छ। सूचना प्रविधि र डिजिटल शिक्षामा जोड दिँदै विद्यालयले आफूलाई क्रमशः आईटी हब का रूपमा विकास गरिरहेको छ।
विद्यार्थी र अभिभावकको बढ्दो विश्वासका कारण हरेक वर्ष विद्यालयप्रति आकर्षण बढ्दै गएको छ। शैक्षिक उपलब्धि, अनुशासन, अतिरिक्त क्रियाकलाप, आधुनिक पूर्वाधार र अनुभवी शिक्षक टोलीका कारण न्यू वेस्ट पोइन्ट आज म्याग्दीका हजारौँ अभिभावकको पहिलो रोजाइ बन्न सफल भएको विद्यालयले जनाएको छ ।
