बेनी, जेठ-२७, जिल्ला प्रहरी कार्यालय म्याग्दीले अवैध रूपमा लुकाई–छिपाई राखिएका आठ थान भरुवा बन्दुक बरामद गरेको छ।जिल्ला प्रहरी कार्यालय मातहतको अस्थायी प्रहरी पोस्ट चिमखोलाबाट खटिएको प्रहरी टोलीले रघुगंगा गाउँपालिका–७ फेदिवनस्थित जंगल क्षेत्रमा बेवारिसे अवस्थामा लुकाएर राखिएका एकनाले भरुवा बन्दुक आठ थान फेला पारेको हो।
प्रहरीले बरामद गरिएका बन्दुकहरू नियन्त्रणमा लिई थप अनुसन्धान प्रक्रिया अघि बढाएको जनाएको छ। 
यससँगै जिल्ला प्रहरी कार्यालय म्याग्दीले हालसम्म बरामद गरेका अवैध हतियारको संख्या एक सय ५० पुगेको छ। घटनाबारे जानकारी दिँदै प्रहरी सूचना अधिकारी प्रहरी निरीक्षक सागर तिमिल्सिनाले अवैध हतियार नियन्त्रण तथा शान्ति सुरक्षालाई प्रभावकारी बनाउन प्रहरीको अभियान निरन्तर जारी रहेको बताउनुभयो। जिल्ला प्रहरी कार्यालय म्याग्दीले मिति २०८३ माघ २७ गते उक्त विवरण सार्वजनिक गरेको हो।
