जलजला, चैत-२०, ६९ औँ सहकारी दिवसको अवसरमा जलजला गाउँपालिका–३ मल्लाजमा आज विशेष कार्यक्रमका साथ मनाइएको छ। मल्लाज साना किसान कृषि सहकारी संस्था र मल्लाज बहुउद्देश्यीय सहकारी संस्थाको संयुक्त आयोजनामा कार्यक्रम सम्पन्न गरिएको हो।
दिवसको अवसरमा जलजला–३ स्थित सिद्धेश्वर शिवालय सत्संग र हटिया सत्संगका गरी ४० जना जेष्ठ नागरिकहरुलाई फलफूल तथा रामनामी वितरण गरी सम्मान गरिएको आयोजकले जनाएको छ।
कार्यक्रम साना किसान सहकारीका अध्यक्ष डम्बरबहादुर घर्ती क्षेत्रीको अध्यक्षता जिल्ला सहकारी संघका उपाध्यक्ष लालबहादुर अधिकारीको प्रमुख आतिथ्यता र सञ्चालन मल्लाज बहुउद्देश्यीय सहकारीका सचिव ओम बहादुर जिसीले गर्नुभएको थियो।
सहकारी दिवसका अवसरमा आयोजित कार्यक्रमले सहकारीको महत्व, सामाजिक एकता तथा जेष्ठ नागरिकप्रति सम्मान व्यक्त गर्ने सन्देश दिएको सहभागीहरुले बताएका छन्।
