बेनी, चैत-१3, म्याग्दीको न्यु वेष्ट पोइन्ट विद्यालयमा l मा कक्षा ११ र १२ का विद्यार्थीहरूका लागि विषयगत हाजिरीजवाफ प्रतियोगिता सम्पन्न भएको छ। पूर्ण रूपमा डिजिटल प्रविधिमा आधारित उक्त प्रतियोगिता वेब–आधारित प्रणालीमार्फत सञ्चालन गरिएको हो।
विद्यालयका कम्प्युटर शिक्षक दिनेश पौडेलले निर्माण गर्नुभएको उक्त प्रणालीमार्फत विद्यार्थीहरूले आफैंले प्रश्नको नम्बर छनोट गर्न सक्ने, उत्तर दिएपछि तुरुन्तै सही वा गलतको नतिजा प्राप्त गर्ने तथा प्राप्ताङ्क स्वतः गणना हुने व्यवस्था गरिएको थियो।
प्रतियोगितामा कक्षा ११ र १२ का गरी ६ वटा समूहको सहभागिता रहेको थियो। कुल ५ वटा विषय अन्तर्गत प्रत्येकमा २/२ चरणमा प्रश्नहरू सोधिएका थिए।
व्यवस्थापन समूहका विषयहरू अध्यापन हुने यस विद्यालयमा विगत ३ वर्षदेखि यस्तै डिजिटल प्रणालीमा आधारित हाजिरीजवाफ प्रतियोगिता सञ्चालन हुँदै आएको विद्यालय प्रशासनले जनाएको छ।
अन्तिम परीक्षाको तयारीमा रहेका विद्यार्थीलाई लक्षित गर्दै आयोजना गरिएको यस प्रतियोगिताले अध्ययनमा थप सहयोग पुग्ने विश्वास व्यक्त गरिएको छ।
